Cumplimos 15 años en la Sala Teatro Ensalle

Doppelgänger

  • Viernes
  • 1
  • Febrero
  • 22:00
  • Sabado
  • 2
  • Febrero
  • 22:00
  • Domingo
  • 3
  • Febrero
  • 21:00

DOPPELGÄNGER: En alemán, “o dobre que camiña”. Ao meu lado sinto a alguén que non son eu, pero que se me parece como unha sombra ou un reflexo. Mírame, xúlgame, quéreme, ódiame. Vivimos no mesmo país, pero temos ideas opostas. É o meu rival, o meu inimigo. Eu son o seu rival, o seu inimigo. Está no outro bando. Estou no outro bando. Quero destruílo e ao mesmo tempo necesítoo. É el ou eu. Ambos ou ningún. É a guerra. A Guerra Civil. É a miña conciencia. É a miña memoria. É o meu esquecemento. É a posibilidade ou non de vivir en paz comigo mesmo.
Esta peza é unha co-produción entra as compañías Berrobambán de Galicia e Arca de N.O.E de Colombia, co Centro Dramático Galego resultado dun proceso colaborativo estruturado en dúas fases.
A primeira etapa de investigación e selección de materiais textuais e visuais, desenvolveuse nos meses de agosto e setembro en Medellín e rematou cunha primeira presentación pública.
O segundo ciclo de ensaios terá lugar en Galicia entre decembro e xaneiro nos que introduciremos a conclusións da observación desta primeira fase e culminará na estrea definitiva do espectáculo.

Ficha artística

Intérpretes: Juan Diego Alzate, Jose Ricardo Alzate e Paula Carballeira
Texto: Paula Carballeira
Dirección: Chiqui Pereira
Ax. dirección: Nuria Sanz
Asesoría Coreográfica: Olga Cameselle
Música: Merender Swing e Juan Diego Alzate
Iluminación: Miriam Rodríguez

  • 01-02-2019 22:00
  • 02-02-2019 22:00
  • 03-02-2019 21:00
Reservar entradas

Berrobambán

Desde o ano 2000 producimos un total de once espectáculos teatrais para público familiar, entre os que podemos destacar «Boas Noites, «Bicharada», «O Refugallo» ou «Xurdefet» que tiveron un notable éxito de público, converténdonos nunha das compañías galegas con maior número de espectador@s.

Participamos en programacións de Galicia, España, Portugal, Corea e Canadá e, polo medio, organizamos o Asteroide B-612, a primeira programación familiar estable en Galicia e o Circo-lar, unha programación familiar para a Consellería de Cultura. O CDG encargounos «A Cabana de Baibaiga», a adaptación dun conto ruso con moita, moita música. Tamén realizamos espectáculos de animación á lectura que nos levaron por moitas bibliotecas e centros educativos.

Saber más