Montse Piñeiro

O debuxo é a base da creación de tódalas miñas ideas. Gustaríame trasladar a escena o que ata agora foi unha ferramenta procesual e mostrar o bosquexo, a mancha e a liña como resultados finais dentro dunha posta en escena.
Para isto, paréceme fundamental xerar un proceso colaborativo que me permita aprender de profesionais de diferentes disciplinas e destilar esta idea para convertila nunha nova vía de traballo.
Para desenvolver este proceso, contarei con varias persoas do eido da música, a improvisación e as artes escénicas. As participantes en escena decidiranse unha vez estean pechadas as datas de creación. Ademáis disto, gustaríame contar con asesorías fóra do traballo en escena que me permitan avanzar a nivel conceptual.