Amparo Martínez Paz. Bailarina, coreógrafa e licenciada en Filosofía e Ciencias da Educación.

Formouse en Danza Clásica, Danza Jazz, Danza Contemporánea e outras Técnicas de Movemento: Contact Improvisation, Body Weather, Tai-chi, Kun-Fu e Coreografía.

En 1985 recibiu unha bolsa da Xunta de Galicia para continuar a formación en Danza e Coreografía na Nikolais/Louis Dance.Lab en Nova Iorque. En 1987 foi seleccionada no 1º Certamen Coreográfico de Madrid e dous anos máis tarde finalista no 3º Certamen Coreográfico de Madrid (1989). Ademáis,foi finalista, coa colaboración da Xunta de Galicia, no IV Fest Coreográfico Iberoamericano Óscar López Barcelona (1988). En 1989 volveu ser seleccionada no V Festival Coreográfico Iberoamericano Óscar López, Barcelona.

Baila as súas creacións e forma parte do elenco en pezas de diferentes coreógrafas/os en Vigo, Ourense, Barcelona, Epinal (Francia) e Nova Iorque. Realiza os vídeo-danza Puzzled Feet (2007) e Healing (2021) participando en diferentes festivais en Vigo, Santiago de Compostela, Atenas, Cuba, Rio de Xaneiro e Caracas.

Retoma a danza despois de 30 anos cos solos Retake, O Noso, Ousar e PF site-specific 023 así como Domitila en proceso creativo e seleccionada no V Festival Pezas dun Teatro do Porvir Galiza+Portugal (Novembro 2022) da AELG e no IX Certame Micro-Escenas M2 do FIOT Carballo (Festival Internacional Outono de Teatro) 2025.
Forma parte do elenco da produción do Teatro de Ningures As Gardiás ou o nó do tecelán (2024-2025)
Realiza o deseño de movemento escénico e coreografía da produción do Centro Dramático Galego (CDG) A burra, a mesa e o pau coa dirección e dramaturxia de Lorena Conde (2025).

Participa coa peza Ousar no proxecto ESCORA Danza 2025 da Deputación da Coruña.