La Sala Teatro Ensalle va a por los 20 años de programación constante y de calidad

Millo vello

  • Viernes
  • 19
  • Abril
  • 20:00
  • Sábado
  • 20
  • Abril
  • 20:00
  • Domingo
  • 21
  • Abril
  • 20:00

Millo Vello é unha práctica performativa onde corpos e obxectos dialogan coa música en vivo.

É un exercicio de continua tentativa de volver á sabedoría ancestral, primitiva, ao mesmo tempo que abrazamos o que forma parte da nosa realidade e contexto actual.

Aceptar e construír co que temos ao noso alcance sen perder a mirada no que nos enraíza e da sostén. Rendendo homenaxe ao tempo dilatado, ao pasado, pero acollendo a velocidade de hoxe., Abrazando o presente nesta convivencia que podería revelarse antagónica pero non o é. Tratando de tecer con mimo para construír o noso lugar seguro.

En realidade, esta práctica é unha carta de amor a nós mesmxs e a todas aquelas persoas que se poidan sentir apeladas na busca dese lugar apracible onde habitar.

Servímonos da busca dende o subconsciente e os soños, creando paisaxes visuais que invitan á observación tranquila, a poñerse en tempo de árbore. Para acadar así o deleite de ser testemuña de algo que, como a natureza, vaise conformando pouquiño a pouco.

 

Ficha artística

Coproduce: Ay, Cariño! e Xunta de Galicia/Agadic
Dirección: Ay, Cariño!
Intérpretes: Cris Vilariño, Diego M. Buceta, Rafa Mallo, Robert Tena
Mirada externa: Andrés Corchero
Música en vivo e espazo sonoro: Rafa Mallo
Iluminación: Laura Iturralde
Vestiario: Ay, Cariño!
Asesoría de cestería: Lola Tourón

  • Viernes 19-04-2024 20:00
  • Sábado 20-04-2024 20:00
  • Domingo 21-04-2024 20:00
Reservar entradas

Ay Cariño!

Ay, Cariño! é unha compañía de nova creación de orixe galega que dende 2023 abriga o traballo creativo conxunto dxs creadorxs Cris Vilariño e Diego M. Buceta tras unha ampla traxectoria individual.

Cris Vilariño leva a cabo numerosos proxectos como creadora e intérprete (Cyan, MUUM, Liminal, Haiku, Todas as cartas de amor son ridículas, PINDO) e dende 2017 colabora coa compañía Licenciada Sotelo. Compaxina a súa labor artística coa súa carreira pedagóxica, impartindo formacións intensivas de body weather e laboratorios de movemento, improvisación e conciencia corporal.

Diego M. Buceta traballa como intérprete para compañías e creadorxs como Lucía Marote, Aitana Cordero, Voadora, La Coja Dansa, Equilibrio Dinámico ou A Friend in the Orchid Room, e firma traballos tanto en solitario (As vacacións máis longas) como xunto á compañía Pálido Domingo (Non hai que ser unha casa para ter pantasmas, Pentecostés e Serva me servabo te).

Páxina web:
https://www.aycarinho.com/

Más info